Նշվել է Ռուսաստանում ամենատարածված ձկնկիթը
Սաղմոնի ձկնկիթը շարունակում է մնալ Ռուսաստանում ամենատարածվածը. գին-հեղինակություն հարաբերակցությամբ այն զբաղեցնում է ամենաշահավետ մարքեթինգային դիրքը, չնայած որ ռուսները կարող են հոգու խորքում երազել թառափի ձկնկիթի մասին, РИА Новости-ին պատմել է Ձկնարդյունաբերության համառուսաստանյան ասոցիացիայի նախագահ Գերման Զվերևը:
«Հնարավոր է՝ շատերը երազում են թառափի ձկնկիթի մասին, բայց իրականում, հաշվի առնելով արժեքը և եկամուտների տնօրինումը, սաղմոնի ձկնկիթը գերիշխում է շուկայում»,- ասել է Զվերևը։
Նա պարզաբանել է, որ «սննդի շուկայում պահանջարկը կախված է ոչ միայն համային նախասիրություններից, այլև ապրանքի գնից»։
