Մահացել է Կուբայի փոխվարչապետը
88 տարեկանում ծանր հիվանդությունից հետո մահացել է Կուբայի փոխվարչապետ Ռիկարդո Կաբրիսասը։
Այս մասին X միկրոբլոգում հայտնել է Կուբայի նախագահ Միգել Դիաս-Կանելը։
«Չափազանց տխուր լուր Կուբայի համար մեր սիրելի ընկեր Ռիկարդո Կաբրիսաս Ռուիսի մահվան վերաբերյալ, որն օրինակելի մարդ էր և իր ամբողջ կյանքը նվիրել էր հեղափոխությանը։ Մեր խորին ցավակցություններն ու ջերմ գրկախառնությունն ենք հայտնում նրա ընտանիքին և ընկերներին այս դժվարին պահին», – նշել է նա գրառման մեջ։
Կուբայի կոմունիստական կուսակցությունը ևս հայտարարել է փոխվարչապետի մահվան մասին։
