Դատախազությունը մահապատիժ է պահանջելու Քըրքի սպանության մեջ մեղադրվողի համար
Յուտայի դատախազները խոստացել են մահապատժի որոշման հասնել պահպանողական ակտիվիստ, հաղորդավար և ԱՄՆ նախագահի հավատարիմ աջակից Չարլի Քըրքի սպանության կասկածյալի նկատմամբ:
Նրանք նոր մանրամասներ են ներկայացրել գործից, այդ թվում՝ հաղորդագրություններ, որոնցում նա, ըստ դատախազների, գաղտնի խոստովանել է սպանությունը։
22-ամյա Թայլեր Ռոբինսոնն, ըստ մեղադրանքի, անցյալ չորեքշաբթի կրակել ու մահացու վիրավորել է Քըրքին Յուտայի համալսարանի տանիքից:
