«Հնարավորություններ միշտ կան». Սերժ Սարգսյանը՝ Արցախի հարցն օրակարգ բերելու մասին
ՀՀ Երրորդ նախագահ Սերժ Սարգսյանն այսօր դատարանի բակում լրագրողների հետ զրույցում նշեց, որ Արցախի անկախության օրվա վերաբերյալ ինչ ցանկացել է՝ իր ուղերձում նշել է:
168.am-ը Սերժ Սարգսյանից հետաքրքրվեց՝ Արցախի Հանրապետության անկախության հռչակման օրվա առթիվ ձեր այսօրվա ուղերձում հայտարարել եք, որ Ադրբեջանի իշխանությունների նկատմամբ միջազգային ճնշում գործադրելու հնարավորությունները և հիմքերն այսօր էլ առկա են, սակայն Հայաստանի գործող վարչախումբը դիտավորյալ այդ գործիքակազմից չի օգտվում, հնարավո՞ր է արդյոք միջազգային ճնշում գործադրելու պարագայում հայկական Արցախի հարցը կրկին դարձնել բանակցային թեմա, երբ Նիկոլ Փաշինյանն Արցախը ճանաչել է որպես Ադրբեջանի տարածք։
Ի պատասխան՝ Սերժ Սարգսյանն ասաց. «Միշտ հնարավորություններ կան»:
Հարցին՝ այսօրվա և առաջվա Հայաստանն ինչո՞վ են տարբերվում իրարից, որ Փաշինյանն ասում է՝ այսօրվա Հայաստանը գոյություն ունի քաղաքացիների շնորհիվ, իսկ առաջվանը՝ այլ երկրների, նա պատասխանեց.
«Չեք տեսնո՞ւմ տարբերությունը»:
