Չինաստանն ու Ռուսաստանը համագործակցության ավելի քան 20 փաստաթուղթ են ստորագրել
Պեկինը և Մոսկվան Չինաստանի նախագահ Սի Ծինփինի և Ռուսաստանի նախագահ Վլադիմիր Պուտինի միջև Պեկինում կայացած բանակցությունների արդյունքում համագործակցության վերաբերյալ ավելի քան 20 փաստաթուղթ են ստորագրել՝ էներգետիկայի, արհեստական բանականության և այլ ոլորտներում։ Այս մասին հայտնում է TASS-ը՝ վկայակոչելով Չինաստանի կենտրոնական հեռուստատեսությունը։
Ստորագրված փաստաթղթերը վերաբերում են նաև այնպիսի ոլորտների, ինչպիսիք են ավիատիեզերական արդյունաբերությունը, գյուղատնտեսությունը, առողջապահությունը, գիտական հետազոտությունները, կրթությունը և լրատվամիջոցները։
Ավելի վաղ Պեկինում կայացել են Չինաստանի և Ռուսաստանի առաջնորդներ Սի Ծինփինի և Վլադիմիր Պուտինի բանակցությունները:
