70-ից ավելի հայաստանցի հարկային մասնագետներ ավարտեցին ռուսաց լեզվի դասընթացը
ՀՀ պետական եկամուտների կոմիտեի (ՊԵԿ) աշխատակիցներն ավարտել են ռուսերեն լեզվով խոսքի մշակույթի և գործարար հաղորդակցության դասընթացները: Այսօր նրանց դիպլոմներ են հանձնել Երևանում Ռուսական տանը (Հայաստանում Ռոսսոտրուդնիչեստվոյի ներկայացուցչություն): Այս մասին հայտնում է ռուսական տան մամուլի ծառայությունը։
Ամռան ամիսներին ՊԵԿ-ի 75 աշխատակիցներ՝ մայրաքաղաքից և մարզերից, առցանց դասընթացներ են անցել, որոնց ընթացքում յուրացրել են ժամանակակից գործարար հաղորդակցության նորմերը և ընդլայնել են բառապաշարը:
«Ուրախ եմ տպավորիչ թիվ նշել․ 2023 թվականից ի վեր Ռոսսոտրուդնիչեստվոյի բարձր որակավորում ունեցող մասնագետների շնորհիվ առկա և առցանց ձևաչափերով ուսուցում է անցել կոմիտեի արդեն 423 աշխատակից։ Երեկ մենք հաջող բանակցություններ ունեցանք ռուսաստանի Ժողովուրդների բարեկամության համալսարանի հետ ձեր համագործակցության վերաբերյալ»,-հայտարարել է Հայաստանում Ռոսսոտրուդնիչեստվոյի ղեկավար Վադիմ Ֆեֆիլովը։
ՀՀ ՊԵԿ ուսումնական կենտրոնի ուսումնական գծով պետ Գոռ Վարդանյանի խոսքով՝ բոլոր ունկնդիրները հաջողությամբ հանձնել են քննությունները:
«Մենք ուրախ ենք համագործակցության համար և նախատեսում ենք ոչ միայն շարունակել, այլև խորացնել այն»,-նշել է նա:
Միջոցառման ավարտին ուսումնական կենտրոնի ներկայացուցիչները Ռուսական տան կողմից հուշանվերներ են ստացել:
