Կանադան իրանցի ռեժիսորի թուրք դերասաններով ֆիլմը ներկայացրել է Օսկարի
Իրանցի ռեժիսոր Ալիռեզա Խաթամիի «Այն, ինչ դու սպանել ես» ֆիլմը Կանադայի կողմից ներկայացվել է Ամերիկյան կինոակադեմիայի կողմից սահմանված կինոաշխարհի ամենահեղինակավոր Օսկարի մրցանակաբաշխությանը։ Այս մասին տեղեկացնում է ermenihaber.am-ը։
Ֆիլմի գլխավոր դերերը մարմնավորել են թուրք դերասաններ Էքին Քոչը, Հազար Էրգյուչլուն, Էրջան Քեսալը և Էրքան Քոլչաք Քյոստենդիլը:
Ֆիլմի մի մասը նկարահանվել է Թուրքիայի Նիղդե նահանգում և Կապադովկիայում: Ֆիլմը պատմում է հոր հետ բարդ հարաբերություններ ունեցող և մոր մահվան վրեժը լուծել ցանկացող զավակի պատմությունը:
«The Hollywood Reporter»-ի տվյալներով՝ այս ֆիլմը, որում կան թե պարսկերեն և թե թուրքերեն երկխոսություններ, օսկարի է առաջադրվել «լավագույն արտասահմանյան ֆիլմ» կատեգորիայում։
