Ուիթքոֆը հայտարարել է Նյու Յորքում Ուկրաինայի ներկայացուցիչների հետ հանդիպման մասին
Խաղաղապահ առաքելությունների հարցերով ԱՄՆ-ի նախագահի հատուկ ներկայացուցիչ Սթիվեն Ուիթքոֆը հայտարարել է, որ այս շաբաթ Նյու Յորքում կհանդիպի Ուկրաինայի ներկայացուցիչների հետ։
«Ես Ուկրաինայի ներկայացուցիչների հետ կհանդիպեմ այս շաբաթ, Նյու Յորքում։ Եվ սա շատ լուրջ ազդակ է»,- Fox News հեռուստաալիքին տված հարցազրույցում ասել է Ուիթքոֆը։
Հատուկ ներկայացուցիչը հավելել է, որ ԱՄՆ-ն ամենօրյա երկխոսություն է վարում Ռուսաստանի Դաշնության հետ ուկրաինական կարգավորման շուրջ։ «Մենք ամեն օր խոսում ենք Ռուսաստանի հետ»,-նշել է նա։
