Երևանում կայանված ավտոմեքենայում տղամարդու դիակ է հայտնաբերվել
Երևանում` «Կախվածությունների բուժման ազգային կենտրոն» ՓԲԸ-ի մոտ կայանված ավտոմեքենայում, տղամարդու մարմին է հայտնաբերվել։ Տեղեկությունը հայտնում է shamshayn.com-ը։
Դին հայտնաբերվել է առավոտյան «Opel» մակնիշի ավտոմեքենայում` վարորդի նստատեղում։
Իրավապահները պարզել են, որ մահացածը Երևանի բնակիչ 54-ամյա Սերգեյ Ա.-ն է:
Ըստ ստացված օպերատիվ տեղեկությունների՝ նա մի քաղաքացու բերել է «Կախվածությունների բուժման ազգային կենտրոն» ՓԲԸ, քաղաքացին մտել է ներս, մի քանի րոպե անց նշված ՓԲԸ-ի բժիշկները, մոտենալով ավտոմեքենային, հայտնաբերել են տղամարդուն մահացած։
Նշանակվել է դատաբժշկական փորձաքննություն:
