Ռուսաստանյան երկու ավիաընկերություններ կսկսեն թռիչքները դեպի Գյումրի
«Росавиация»-ն փոխադրողներին թույլտվություններ է տրամադրել Սոչիից և Միներալնիե Վոդիից Հայաստանի խոշոր քաղաք Գյումրի ուղևորների և բեռների կանոնավոր օդային փոխադրումներ իրականացնելու համար։ Այս մասին, ինչպես հաղորդում է ТАСС-ը, ասված է գերատեսչության համապատասխան հրամանում։
Համաձայն հրամանի տեքստի, «Россия» ավիաընկերությանը տրվել է թույլտվություն Սոչիից Գյումրի թռիչքների համար, իսկ «Аэрофлот» ավիաընկերությանը՝ Միներալնիե Վոդիից։ Երկու դեպքում էլ թռիչքների հաճախականությունն ամենօրյա է։
