Վրաստանի ՆԳՆ-ն թմրանյութերին առնչվող հանցագործության համար ձերբակալել է 1 անձի
1994 թվականին ծնված Լ.Մ.-ն ձերբակալվել է խոշոր և առանձնապես խոշոր չափերի թմրամիջոցների և հոգեմետ նյութերի ապօրինի ձեռքբերման և պահպանման մեղադրանքով, հայտնել է Ներքին գործերի նախարարությունը։ Այս մասին գրում է aliq.ge-ն։
Նախարարության հաղորդմամբ՝ ձերբակալվածի բնակարանի խուզարկության ժամանակ իրավապահ մարմինների աշխատակիցները որպես ապացույց առգրավել են առանձնապես մեծ քանակությամբ տարբեր տեսակի թմրանյութեր, այդ թվում՝ «մեֆեդրոն», «MDMA», «մեթամֆետամին» և այլն։
Հանցագործությունը նախատեսում է մինչև 20 տարի կամ ցմահ ազատազրկում։
