Վրաստանից արտաքսվել է 28 օտարերկրյա քաղաքացի
Ներքին գործերի նախարարության հաղորդմամբ՝ վերջին օրերին միգրացիայի դեպարտամենտի և նախարարության այլ ստորաբաժանումների հետ համակարգված համալիր միջոցառումների արդյունքում Վրաստանից արտաքսվել է 28 օտարերկրյա քաղաքացի։ Այս մասին գրում է aliq.ge-ն։
Նախարարության հրապարակած տեղեկության համաձայն՝ արտաքսված անձանց թվում են Ադրբեջանի, Բելառուսի, Եգիպտոսի, Իրաքի, Թուրքիայի, Թուրքմենստանի, Հնդկաստանի, Հորդանանի, Իրանի, Իսրայելի, Պակիստանի, Ռուսաստանի և Չինաստանի քաղաքացիներ։
Գործող օրենսդրության հիման վրա արտաքսված անձանց արգելվել է մուտք գործել Վրաստան։
