Վրաստանի միջազգային արժութային պահուստներն աճել են
2025 թվականի հունիսի դրությամբ Վրաստանի միջազգային արժութային պահուստներն աճել են 103.3 միլիոն ԱՄՆ դոլարով և կազմել 4.7 միլիարդ ԱՄՆ դոլար։ Այս տեղեկությունը հաղորդել է Վրաստանի Ազգային բանկը։ Այս մասին գրում է aliq.ge-ն։
«Միջազգային արժութային պահուստները երկրի մակրոտնտեսական կայունության առանցքային երաշխավորն են։ Ազգային բանկի երկարաժամկետ քաղաքականությունը միշտ ուղղված է միջազգային պահուստների կուտակմանը և պահուստային ակտիվների արդյունավետ կառավարմանը։
Հատկանշական է, որ ընթացիկ ժամանակահատվածում, շուկայական բարենպաստ պայմանների շնորհիվ, Ազգային բանկը շարունակում է համալրել պահուստները», — ասված է Ազգային բանկի հայտարարության մեջ։
