Եգիպտոսի նախագահը Դոնալդ Թրամփին կոչ է արել ճնշում գործադրել Գազայի հատվածում հրադադարի հասնելու համար
Եգիպտոսի նախագահ Աբդել Ֆաթթահ Ալ Սիսին Միացյալ Նահանգների նախագահ Դոնալդ Թրամփին կոչ է արել ճնշում գործադրել Իսրայելի և պաղեստինյան ՀԱՄԱՍ շարժման վրա Գազայի հատվածում կրակը դադարեցնելու համար։
Այս մասին հայտնում է «ՌԻԱ Նովոստի»-ն՝ մեջբերելով Եգիպտոսի նախագահի խոսքերը։
«Ես կոչ եմ անում նախագահ Թրամփին գործադրել բոլոր ջանքերը և ճնշում գործադրել Գազայի հատվածում անհապաղ և լիակատար հրադադարի հասնելու համար»,-ասել է Եգիպտոսի նախագահը Բաղդադում ընթացող Արաբական լիգայի գագաթնաժողովում ունեցած ելույթի ժամանակ։
Մայիսի սկզբին Իսրայելի իշխանությունները հայտարարել են Գազայի հատվածում ռազմական գործողության զգալի ընդլայնման մասին՝ ՀԱՄԱՍ-ի վրա ճնշումը մեծացնելու նպատակով։
«Գեդեոնի կառքեր»-ն անվանումով գործողությունը ներառում է նոր տարածքների գրավում և պահպանում, Գազայի բնակիչների զանգվածային տեղահանում հյուսիսից հարավ և զինյալների թիրախների վրա հարձակումների ավելացում։
Իսրայելի և պաղեստինյան ՀԱՄԱՍ-ի միջև հրադադարը պաշտոնապես ավարտվել է մարտի 1-ին, սակայն մարտական գործողությունները չեն վերսկսվել միջնորդների կողմից կողմերին Գազայի կարգավորման շուրջ բանակցությունները շարունակելու փորձերի շնորհիվ։
