Հայաստանը կարևորում է Կանադայի հետ հարաբերությունները. Փաշինյանը շնորհավորել է Մարկ Քարնիին
Նիկոլ Փաշինյանը շնորհավորել է Կանադայի Լիբերալ կուսակցությանն ու կուսակցության առաջնորդ, գործող վարչապետ Մարկ Քարնիին՝ ապրիլի 28-ին կայացած խորհրդարանական ընտրություններում տարած հաղթանակի կապակցությամբ։
«Հայաստանը կարևորում է Կանադայի հետ հարաբերությունները, որոնք հիմնված են բարեկամության և ընդհանուր արժեքների վրա։ Մենք անհամբերությամբ սպասում ենք ամրապնդելու և խորացնելու մեր փոխշահավետ համագործակցությունը»,-ասվում է Փաշինյանի X-ի էջում հրապարակված գրառման մեջ:
Հիշեցնենք, որ Կանադայի Լիբերալ կուսակցությունը Ձայների 99,9%-ի հաշվարկի արդյունքներով կարողացել է արտահերթ խորհրդարանական ընտրություններում ստանալ 169 մանդատ։ Հնարավոր է, որ կառավարություն ձեւավորելու համար քաղաքական ուժը ստիպված լինի կոալիցիա ձեւավորել փոքր կուսակցություններից մեկի հետ։
