Իվանիշվիլին դուրս է մնացել Bloomberg-ի՝ աշխարհի 500 ամենահարուստ մարդկանց ցանկից
«Վրացական երազանք» կուսակցության հիմնադիր ու պատվավոր նախագահ Բիձինա Իվանիշվիլին այլևս աշխարհի 500 ամենահարուստ մարդկանց ցանկում չէ. այս մասին, ըստ aliq.ge-ի՝ փաստում են Bloomberg-ի այսօրվա՝ ապրիլի 28-ի թարմացված տվյալները:
Ապրիլի 11-ի միլիարդատերերի ինդեքսի համաձայն, նա զբաղեցրել է 428-րդ տեղը՝ 6.98 միլիարդ դոլարով։
Նախկինում՝ ապրիլի 1-ին, Forbes-ի գնահատմամբ` Իվանիշվիլիի կարողությունը նվազել է 4.7 միլիարդ դոլարից մինչև 2.7 միլիարդ դոլար։
Պարբերականի վրացական ծառայությունը դա բացատրել է հետևյալ կերպ. «Թարմացումը հիմնված է բացառապես Իվանիշվիլիի ունեցվածքի կառավարչի կողմից Forbes-ին ուղղակիորեն տրամադրված տեղեկատվության վրա»։
