Մեծ Բրիտանիայի վարչապետը Թրամփի հետ քննարկել է առևտուրը, Ուկրաինայի և Իրանի շուրջ ստեղծված իրավիճակը
Մեծ Բրիտանիայի վարչապետ Քիր Սթարմերը զրուցել է ԱՄՆ նախագահ Դոնալդ Թրամփի հետ՝ քննարկելու երկու երկրների միջև առևտուրը, ներառյալ իրավիճակն Ուկրաինայի և Իրանի շուրջ, հայտնում է Reuters-ը՝ վկայակոչելով Դաունինգ Սթրիթի ներկայացուցչին։
Մեծ Բրիտանիան հույս ունի գործարք կնքել Թրամփի հետ այն բանից հետո, երբ նա 10 տոկոս մաքսատուրքեր է սահմանել Միացյալ Նահանգներ ներկրվող բրիտանական ապրանքների մեծ մասի վրա և ավելի բարձր՝ 25 տոկոս՝ ավտոմեքենաների, պողպատի և ալյումինի ներմուծման համար:
«Առաջնորդները սկսեցին քննարկելով Միացյալ Թագավորության և ԱՄՆ-ի միջև առևտրի վերաբերյալ ընթացիկ և արդյունավետ քննարկումները», – ասել է բրիտանական կառավարության խոսնակը՝ հավելելով, որ Սթարմերն ընդգծել է ազատ առևտրի իր հանձնառությունը՝ միաժամանակ պաշտպանելով ազգային շահերը:
Սթարմերը և Թրամփը քննարկել են նաև Ուկրաինայի և Իրանի շուրջ ստեղծված իրավիճակը, ինչպես նաև Եմենում հութիների դեմ վերջին գործողությունները, ասել է վարչապետի գրասենյակի խոսնակը:
