Հայ և ռուս ժողովուրդների բարեկամության թանգարանում կբացվի «Չարենցի Ռեգինան․ մշակութային կամուրջ» ժամանակավոր ցուցադրությունը
Հայ և ռուս ժողովուրդների բարեկամության թանգարանում ապրիլի 17-ին կբացվի «Չարենցի Ռեգինան․ մշակութային կամուրջ» ժամանակավոր ցուցադրությունը։
Ցուցադրությունը նվիրված է հայ նկարչուհի, ՀԽՍՀ վաստակավոր նկարիչ Ռեգինա Ղազարյանի ծննդյան 110-ամյակին։ Նկարչուհու արվեստում մեծ տեղ են գրավում չարենցյան թեման և նրա պոեզիայից ներշնչված գործերը՝ «Ամբոխները խելագարված» (1965), «Ասպետական» (1975), «Չարենցի վերջին ճանապարհը՝ հավերժություն» (1998):
Ռեգինա Ղազարյանը ոչ միայն թողել է հարուստ գեղարվեստական ժառանգություն, այլև իր անձնական նվիրվածությամբ պահպանել է Եղիշե Չարենցի ձեռագրերը՝ փոխանցելով դրանք ժողովրդին։
Ցուցադրությունն իրականացվում է Ե․Չարենցի տուն-թանգարանի հետ համագործակցությամբ և կշարունակվի մինչև ապրիլի 25-ը։
