Ո՞նց է լինում իր երկրում ֆուտբոլային ծրագրերը տապալած, մարզական մեկնաբան Արմեն Մելիքբեկյանը ձայներով առաջ է անցնում Պորտուգալիայի և Շվեցարիայի ֆեդերացիաների ղեկավարներից. Սերգեյ Ջանջոյան
Ֆուտբոլի Հայաստանի ազգային հավաքականի երկրպագուների FAF շարժման հիմնադիր Սերգեյ Ջանջոյանը ֆեյսբուքյան իր էջում գրում է․
«Արմեն Մելիքբեկյանը ՈՒԵՖԱ-ի գործկոմի անդամ ընտրվեց կամ Մելիքբեկյանին դարձրեցին ՈՒԵՖԱ-ի գործկոմի անդամ
Այժմյան ՈՒԵՖԱ-ն մեր ֆեդերացիայի գրեթե նույնությամբ մեծ մոդելն է։ 1-ին լուսանկարում Պեդրո Պրոենսան է` Պորտուգալիայի ֆուտբոլի ֆեդերացիայի նախագահը, աշխարհահռչակ ֆուտբոլային մրցավար, ՉԼ-ի ու այլ մեծ մրցաշարերի եզրափակիչներ անցկացրած, IFFHS վարկածով 2012 թվականի աշխարհի լավագույն մրցավարը։ Ո՞նց է լինում իր երկրում ֆուտբոլային ծրագրերը տապալած, մարզական մեկնաբան Արմեն Մելիքբեկյանը ձայներով առաջ է անցնում Պեդրոյից ու ասենք Շվեցարիայի ֆեդերացիայի ղեկավարից։
Ամեն ինչ ավելի քան պարզ է։ Գնանք հետ. մի քանի ամիս, երբ հրաժարականի պահանջի պրոցեսը սկսվեց, ֆեդերացիայի անդամների հայտարարություններ եկան դաշտ՝ ՀՖՖ-ի աջակցության տեսքով, շատերս առաջին անգամն էինք լսում այդ անունների մասին։ Փորձեք միտքը բռնել։
Իհարկե Մելիքբեկյանին 29 ֆեդերացիա ձայն չի տվել Մելիքբեկյանի ծրագրերի ու երկրում ֆուտբոլի զարգացման համար, այլ ՈՒԵՖԱ-ում պետք են Մելիքբեկյանի նման ձայն ունեցող մարդիկ, վտանգավոր կամ գլխացավանք են մեծ ֆուտբոլային երկրների ֆեդերացիաների ղեկավարները։ Այլ օրինակ՝ Մելիքբեկյանից շատ ձայն հավաքեց մեր պես փոքր Էստոնիայի ֆեդերացիայի մաֆիոզ նախագահը /2-րդ նկարում/, ով Էստոնիայում գլխավորումա ֆեդերացիան 2007-ից, այնտեղ էլ ֆուտբոլը ոչ մի լուրջ արդյունք չի գրանցել և չի զարգացել, մեղադրվում ա տարատեսակ կոռուպցիաների մեջ, ընտանեկան բռնության մեջ, տղեն Էստոնական Ֆլորա ակումբի տերն ա, գործկոմի նիստի ժամանակ մեկին ծեծում ա և այլն։ Այսինքն չկան չափորոշիչներ, կան շահեր։
ՈՒԵՖԱ-ում ինչպես ամեն տեղ, երբ գալիս է ընտրությունների ժամանակը, կան մարդիկ որոնք աշխատանք են տանում ասոցիացիաների հետ։ Կարծում եմ հասկացաք ինչի մասին է խոսքը։ Մեր գործկոմի` միաձայն որոշումների պատկերը նայեք, նույնը այնտեղ` ինչքան սվոյ, այնքան եվրոպական ֆուտբոլի կանոնադրական փոփոխությունները, առանցքային որոշումները հեշտ անցկացնելի են, ու ինչքան մեծ երկրներից քիչ ներկայություն, որոնց անմիջական կպնում են փոփոխությունների արդյունքները, այդքան լավ։
Գնա ՈՒԵՖԱ՝ Եվրոպական ֆուտբոլը զարգացնելու, Չեֆերինի հետ սիրուն նկարներ գցեք, եղիր կամուրջ մեր ու հաջորդ ՀՖՖ ղեկավարի համար, բայց ստեղ մնալ չես կարող, ֆուտբոլը վերջնական կործանել չես կարող, մտքներովդ չանցնի մեր վրա, երկրի վրա Չեֆերին բերել»։
