Մենք ձգտում ենք հասնել երկարատև խաղաղության, այլ ոչ թե մի քանի տարի անց Եվրոպայում նոր հակամարտության․ Վենս
ԱՄՆ փոխնախագահ Ջեյմս Դևիդ Վենսը Ուկրաինայի նախագահ Վլադիմիր Զելենսկու հետ հանդիպումից հետո հայտարարել է, որ Վաշինգտոնի նպատակը ոչ միայն պատերազմը դադարեցնելն է, այլև Եվրոպայում երկարատև խաղաղություն հաստատելը։ Այս մասին հայտնում է РБК-Украина-ն։
«Մենք ուզում ենք, որ պատերազմն ավարտվի, մենք ուզում ենք, որ սպանությունները դադարեն, մենք ձգտում ենք հասնել երկարատև խաղաղության, այլ ոչ թե մի քանի տարի անց Եվրոպայում նոր հակամարտության»,-ասել է Վենսը։
ԱՄՆ փոխնախագահը նշել է, որ ԱՄՆ-ն և Ուկրաինան շարունակում են քննարկումները, որպեսզի կարողանան այդ կարևոր նպատակը կյանքի կոչեն։
«Մենք մի շարք լավ քննարկումներ ենք ունեցել այն մասին, թե ինչպես դրան հասնել միասին, և այդ քննարկումները շարունակվելու են առաջիկա օրերին, շաբաթներին և ամիսներին»,- նշել է նա։
