ԱԳՆ-ն «Դիվանագիտական դպրոց» ՊՈԱԿ-ին այս տարի հատկացրել է շուրջ 305 միլիոն դրամ

Արտաքին գործերի նախարարությունն իր ենթակայության տակ գտնվող «Դիվանագիտական դպրոց» ՊՈԱԿ-ին այս տարի ևս աստղաբաշխական դրամաշնորհ է տրամադրել։

Այսօր կնքված պայմանագրի համաձայն՝ ՊՈԱԿ-ը 304 միլիոն 467.600 դրամով ստանձնել է մի քանի ծրագրերով դպրոցի կադրերի վերապատրաստման վեհ առաքելությունը։

Դիվանագիտական դպրոցին դրամաշնորհներ տրամադրելու ավանդույթը, ըստ պետգնումների էլեկտրոնային համակարգի, մեկնարկել է 2022 թվականից։

2022 թվականին «Դիվանագիտական դպրոցին» ուղղված ԱԳՆ-ի դրամաշնորհը կազմել է 224 միլիոն 549.000 դրամ, 2023 թվականին՝ ֆինանսական աջակցությամբ չափը դարձյալ նույնքան է կազմել, դարձյալ նույն չափով է տրամադրվել, 2024 թվականին՝ 314 միլիոն 028.800 դրամ։