Սաուդյան Արաբիան կոչ է արել վերացնել Սիրիայի նկատմամբ պատժամիջոցները
Սաուդյան Արաբիայի արտաքին գործերի նախարար արքայազն Ֆեյսալ բին Ֆարհանը կիրակի կոչ է արել չեղարկել Սիրիայի դեմ պատժամիջոցները։ Այս մասին hայտնում է Al-Ekhbariya հեռուստաալիքը։
«Մենք ընդգծեցինք Սիրիայի նկատմամբ կիրառված միակողմանի և միջազգային պատժամիջոցների վերացման կարևորությունը, քանի որ դրանց շարունակումը խոչընդոտում է սիրիացի ժողովրդի զարգացմանն ու վերականգնմանը հասնելու ձգտումները»,- ասել է նա։
Սաուդյան Արաբիայի արտգործնախարարը նաև կոչ է արել շարունակել մարդասիրական և տնտեսական աջակցությունը Սիրիային և ընդգծել երկրի միասնության, ինքնիշխանության և տարածքային ամբողջականության հարգման կարևորությունը:
