Գիտնականները զգուշացնում են՝ շաքարը վնասակար է արյան անոթների համար
Շաքարի ավելցուկը բացասական ազդեցություն է թողնում արյան շրջանառության վրա և կարող է հանգեցնել ներքին օրգանների խանգարման: Եզրահանգումը Կոպենհագենի համալսարանի սննդաբաններինն է, իսկ նրանց ուսումնասիրության արդյուքները հրապարակվել են The Copenhagen Post- ում:
Հետազոտությունը ներառել էր տղամարդկանց, որոնք երկու շաբաթ անընդմեջ օգտագործել են օրական 225 գրամ շաքար: Փորձի սկզբում և վերջում բժիշկները չափել են, թե կամավորների վերջույթներին ինչ քանակությամբ արյուն է մատակարվում:
Արդյունքները ցույց են տվել, որ արյան մատակարարումը նվազել է 17 տոկոսով: Միևնույն ժամանակ, սննդաբանները համոզված են, որ կարևոր ներքին օրգանները, ինչպիսիք են ուղեղը և սիրտը, նույնպես վնասվում են արյան անբավարարությունից:
«Կես լիտր կոլան չի կարող երիտասարդի համար վնասակար լինել, եթե խմում է ժամանակ առ ժամանակ և վարում առողջ ապրելակերպ»,- ասում է հետազոտության համահեղինակ Յուլվա Հելլսթենը:
«Այնուամենայնիվ, եթե դուք չարաշահեք շաքարավազի չափաքանակը, 14 օրվա ընթացքում ձեր արյան շրջանառությունը կվատանա այնքան, որքն լինում է 65 տարեկանից բարձր մարդկանց մոտ»:
