Տիրան Խաչատրյանի կալանավորման միջնորդության քննությունը հետաձգվել է մեկ ժամով. Փաստինֆո
Գեներալ-լեյտենանտ Տիրան Խաչատրյանի կալանավորման միջնորդության քննությունը հետաձգվել է մեկ ժամով։
Նշենք, որ Տիրան Խաչատրյանը կալանավորվել է այսօր առավոտյա։ Նրա կալանքի միջնորդության քննությունը նախատեսվում էր ժամը 18։00-ին՝ Երևան քաղաքի ընդհանուր իրավասության առաջին ատյանի դատարանի Ավան (Մասիվի դատարան) նստավայրում։ Կալանքի միջնորդությունը քննելու է դատավոր Մասիս Մելքոնյանը:
Խաչատրյանի փաստաբան Վարազդատ Հարությունյանը հայտնել էր, որ Տիրան Խաչատրյանին առաջադրված մեղադրանքը (ռազմական դրության ժամանակ զինվորական պաշտոնեական անփութություն), որը նա չի ընդունում, առնչվում է 44-օրյա պատերազմի որոշ հանգամանքների: Նախաքննական և ռազմական գաղտնիքի ներքո, այս փուլում չենք կարող ավել մանրամսներ հաղորդել, սակայն կրկնում ենք` Տիրան Խաչատրյանն իրեն առաջադրված մեղադրանքը չի ընդունում և նույն հանգամանքների վերաբերյալ քանիցս տվել է սպառիչ և հանգամանալից նախաքննական ցուցմունքներ ու որևէ կերպ չի խոչընդոտել նախաքննությանը:
Աղբյուր` Փաստինֆո
