Պուտինը տոների կապակցությամբ շնորհավորական հեռագրեր է ուղարկել ՀՀ երկրորդ և երրորդ նախագահներին
Ռուսաստանի նախագահ Վլադիմիր Պուտինը Նոր տարվա և Սուրբ ծննդյան տոների կապակցությամբ շնորհավորական հեռագրեր է ուղարկել Հայաստանի երկրորդ նախագահ Ռոբերտ Քոչարյանին և երրորդ նախագահ Սերժ Սարգսյանին։ Այդ մասին հայտնում է Կրեմլի մամուլի ծառայությունը։
Պուտինը շնորհավորել է նաև Ղազախստանի նախկին նախագահ Նորսուլթան Նազարբաևին ու Գերմանիայի նախկին կանցլեր Գերհարդ Շրյոդերին։
Ռուսաստանի ղեկավարը ՀՀ նախկին նախագահներին մշտապես շնորհավորում է տոների և ծննդյան տարեդարձների կապակցությամբ։
