Ադրբեջանի իշխանություններն առաջիկայում փոփոխություններ կմտցնեն երկրի տարածքում ՌԴ քաղաքացիների գտնվելու կանոնների մեջ
«Ռուսական կողմի ներդրած նոր կանոնները և երկրում օտարերկրացիների գտնվելու տևողության պահանջների խստացումը մեր կողմից դիտարկվում են առաջին հերթին մեր քաղաքացիների իրավունքների համատեքստում»,- Ադրբեջանի ԱԳՆ-ի խոսքերն է մեջբերում «Ինտերֆաքս» գործակալությունը:
Ըստ Ադրբեջանի ԱԳՆ-ի՝ ադրբեջանական կողմը ժամանակավոր կեցության և միգրացիայի հարցերում կառաջնորդվի հավասարության և փոխադարձության սկզբունքով:
«Այս առումով մոտ ապագայում նախատեսվում է փոփոխություններ կատարել Ռուսաստանի Դաշնության քաղաքացիների՝ Հանրապետության տարածքում ժամանակավոր գտնվելու ժամկետը որոշող կանոններում»,- ասել է Ադրբեջանի ԱԳՆ-ն՝ մեկնաբանելով Ռուսաստանի իշխանությունների՝ Ռուսաստանի Դաշնությունում առանց վիզայի օտարերկրացիների գտնվելու ժամկետը փոփոխելու որոշումը:
Հրապարակման պատրաստեց 168.am-ը
