Azerbaijan Airlines ավիաընկերությունը դադարեցրել է Բաքվից Գրոզնի և Մախաչկալա չվերթները
Azerbaijan Airlines (AZAL) ավիաընկերությունը հայտնել է, որ դադարեցրել է Բաքու-Գրոզնի-Բաքու և Բաքու-Մախաչկալա-Բաքու երթուղով չվերթների իրականացումը մինչև Ղազախստանի Ակտաու քաղաքի մերձակայքում ավիաընկերության ինքնաթիռի կործանման պատճառների հետաքննության ավարտը:
Այս մասին հայտնում «Ինտերֆաքսը»-ը։
«Azerbaijan Airlines ավիաընկերության չվերթների իրականացումը Բաքու-Գրոզնի-Բաքու և Բաքու-Մախաչկալա-Բաքու երթուղիներով դադարեցվել է մինչև հետաքննության ավարտը», – նշվում է ավիաընկերության հաղորդագրության մեջ:
Դեկտեմբերի 25-ին Ղազախստանի Ակտաու քաղաքի մերձակայքում ընկել ու բռնկվել է Azerbaijan Airlines ավիաընկերության Embraer 190 ինքնաթիռը, որը կատարում էր Բաքվից Գրոզնի չվերթը: Այն աղետի է ենթարկվել օդանավակայանի հարևանությամբ։ Ինքնաթիռում եղել է 62 ուղևոր և անձնակազմի 5 անդամ։ Ըստ Ադրբեջանի գլխավոր դատախազության՝ 32 մարդ ողջ է մնացել։
