Ճապոնիայում McDonald’s-ի վրա հարձակման ժամանակ դպրոցական է զոհվել
Անհայտ անձը դանակով հարձակվել է դպրոցականների վրա Կիտակյուսյու քաղաքի (Ֆուկուոկա պրեֆեկտուրա) McDonald’s ռեստորանում, զոհվել է 15-ամյա մի աղջիկ, մի դպրոցական տեղափոխվել է հիվանդանոց։
Քննության տվյալներով՝ դեկտեմբերի 15-ի երեկոյան հարձակվողը մտել է ռեստորան եւ ոչինչ չասելով դանակով մի քանի անգամ հարվածել երեխաներին, որոնք գանձարկղի մոտ հերթի էին կանգնած։
Դրանից հետո նա անմիջապես փախել է հանցագործության վայրից, նրա դեմքը փակ չի եղել, ոստիկանությունը փնտրում է հարձակվողին։ Հարձակման ենթարկված դպրոցականը պատմել է, որ երբեք մինչ այդ հանցագործի տեսած չի եղել։
Բոլոր պարապմունքները եւ միջոցառումները Կիտակյուսյուի դպրոցներում եւ մանկապարտեզներում չեղարկվել են։
