Հնդկաստանի մի նահանգում արգելել են տավարի մսի օգտագործումը
Հնդկաստանի հյուսիսարևելյան Ասսամ նահանգում արգելվել է տավարի մսի օգտագործումը հասարակական վայրերում, այդ թվում՝ ռեստորաններում և միջոցառումների ժամանակ։
Այս մասին հայտնում է BBC-ն ու հիշեցնում, որ երկրում սահմանափակված է տավարի մսի վաճառքը որոշ կրոնական վայրերի՝ օրինակ տաճարների մոտ։
Տավարի մսի օգտագործումը Հնդկաստանում զգայուն խնդիր է, քանի որ կովերին պաշտում են հինդուները, որոնք կազմում են երկրի բնակչության 80%-ը:
Միայն մի նահագանգում տավարի մսի օգտագործման արգելքը հարցեր է առաջացրել, մարդիկ զարմանում են, ինչո՞ւ հենց մի նահանգում։
Միևնույն ժամանակ, մի քանի քաղաքական կուսակցություններ քննադատել են արգելքը՝ ասելով, որ այն խանգարում է մարդկանց՝ ուտել այն, ինչ ուզում են:
