Արտաշիսյան փողոցում ավտոմեքենա է այրվել
Նոյեմբերի 15-ին, ժամը 17։56-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արտաշիսյան փողոցում այրվում է ավտոմեքենա։ Հայտնում են ՀՀ ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Արտաշիսյան փողոցի թիվ 37 շենքի մոտակայքում։ Հրդեհը մեկուսացվել է ժամը 18։09-ին, մարվել՝ 18։21-ին: Այրվել է «Opel» մակնիշի ավտոմեքենան (վարորդ՝ Մ․ Մ․)։
