Յուրի Նիկոլաևին տեղափոխել են վերակենդանացման բաժանմունք
Ռուսաստանի ժողովրդական արտիստ, հանրահայտ հեռուստահաղորդավար 75-ամյա Յուրի Նիկոլաևին տեղափոխել են վերակենդանացման բաժանմունք։ Այս մասին հայտնում է SHOT-ը։ Նա գտնվում է բժիշկների հսկողության տակ։
Ըստ տելեգրամյան ալիքի` Նիկոլաևի ինքնազգացողությունը վատացել է երեկ երեկոյան։ Նրա ջերմությունը կտրուկ բարձրացել է, և նա ուշագնաց է եղել։
Շտապօգնությունը Յուրի Նիկոլաևին տեղափոխել է Մոսկվայի հիվանդանոցներից մեկը և անմիջապես տարել են վերակենդանացման բաժանմունք:
Այժմ բժիշկները փորձում են տարբեր հետազոտությունների միջոցով պարզել Նիկոլաևի ինքնազգացողության վատթարացման պատճառները։ Այս պահի դրությամբ հաջողվել է բացառել ինֆարկտը և ինսուլտը։
