«Իրանն այնպիսի զինատեսակներ ունի, որոնցով հնարավոր է խոցել Մերձավոր Արևելքում գտնվող ամերիկյան ռազմական օբյեկտները»․ Իսլամական հեղափոխության պահապանների կորպուս
Իրանն այնպիսի զենքեր ու սպառազինություն ունի, որով հնարավոր է խոցել Մերձավոր Արևելքում գտնվող ամերիկյան ռազմական օբյեկտները, Press TV-ի եթերում հայտարարել է Իսլամական հեղափոխության պահապանների կորպուսի հրամանատարի խորհրդական Էբրահիմ Ջաբարին։
«Ամերիկացիները պետք է իմանան. եթե նրանք հայտնվեն մարտի դաշտում և ցանկանան գործել Իրանի դեմ, նրանց բազաները, նավերը հասանելի կլինեն մեր զենքերի համար»,- ասել է նա։
Միևնույն ժամանակ ԻՀՊԿ ներկայացուցիչը նշել է, որ Վաշինգտոնը չի հմարձակվի ուղիղ առճակատման մեջ մտնել Իրանի հետ։
«Չնայած ամերիկացիները աջակցում են Իսրայելին, դժվար թե այդպիսի հիմարություն անեն ու կոնֆլիկտի մեջ մտնեն Իրանի հետ»,- ասել է Ջաբարին։
Նա հայտարարել է նաև, որ Իսրայելին չի հաջողվել Գազայի հատվածում և Լիբանանում հասնել իր ռազմական նպատակների իրականացմանը։
