Ինչ խնդիրների մասին կարող է վկայել քաղցրավենիքի տենչը
Սննդաբան Նատալյա Լեսնիկովան «Իզվեստիային» պատմել է, թե ինչ առողջական խնդիրների մասին կարող է վկայել քաղցրավենիքի տենչը, ինչպես նաև խորհուրդներ է տվել շաքարի օգտագործումը սահմանափակելու վերաբերյալ:
«Շաքարն ինքնին վնասակար չէ, սակայն այն պարունակող մթերքները հաճախ հավելյալ սնունդ և օրական ավելորդ կալորիաներ են առաջացնում: Սա կարող է հանգեցնել քաշի ավելացման: Բոլոր քաղցրավենիքները դասակարգվում են որպես ածխաջրեր, որոնք մեր օրգանիզմի էներգիայի հիմնական աղբյուրն են և կազմում են էներգիայի սպառման մոտ 50%-ը: Գոյություն ունեն ածխաջրերի երկու տեսակ. բարդ ածխաջրերն ապահովում են հագեցվածության երկարատև զգացողություն և չեն առաջացնում արյան շաքարի կտրուկ աճ, հասարակներն արագորեն բարձրացնում են արյան մեջ գլյուկոզայի մակարդակը, ինչը կարող է հանգեցնել էներգիայի կտրուկ նվազման և սովի զգացման»,- ասել է նա։
Դիետոլոգի խոսքով՝ քաղցրավենիքի տենչը կարող է պայմանավորված լինել տարբեր գործոններով՝ շաքարի մեծ չափաբաժիններով հաճախակի օգտագործում, վիտամինների և հանքանյութերի անբավարարություն, ինչպիսիք են վիտամին D-ն, երկաթը, քրոմը։
«Շաքարի ընդունումը նվազեցնելու և առողջությունը բարելավելու համար հետևեք հետևյալ խորհուրդներին. նախաճաշին, ճաշին և ընթրիքին կերեք սպիտակուցներ (ձու, հավ, ձուկ, միս, կաթնաշոռ, ընկույզ), խմեք բավականաչափ մաքուր ջուր՝ խոնավությունը պահպանելու համար, քաղցրավենիքը փոխարինեք ավելի առողջ այլընտրանքներով (75% և ավելի կակաոյի պարունակությամբ մուգ շոկոլադ, արմավ, մրգեր, չորացրած մրգեր, ընկույզ)»,- ըստ shantnews-ի՝ եզրափակել է Լեսնիկովան:
