Ալիևի վարչակազմը Հայաստանին մեղադրել է «ռազմականացման քաղաքականություն» վարելու մեջ
Ադրբեջանի նախագահ Իլհամ Ալիևի վարչակազմն արձագանքել է օգոստոսի 31-ի մամուլի ասուլիսում Նիկոլ Փաշինյանի որոշ հայտարարությունների։
«Հայաստանի վարչապետ Նիկոլ Փաշինյանի հայտարարություններում բավականին հակասական, իրականությանը չհամապատասխանող պահեր կան»,- հայտարարել է Ադրբեջանի նախագահի օգնական Հիքմեթ Հաջիևը։
Ըստ Հաջիևի, «Հայաստանը ռազմականացման քաղաքականություն է վարում, սա փաստ է։ Դրանում այն լուրջ աջակցություն է ստանում մի շարք արևմտյան երկրներից, հատկապես Ֆրանսիայից։ Սա ծառայում է հարավկովկասյան տարածաշրջանում լարվածություն ստեղծելուն»։
Մինչդեռ Ադրբեջանն ինքը շարունակում է ագրեսիվ հայտարարություններ ու սպառնալիքներ անել, զինվել՝ հսկայական քանակությամբ զենք գնելով տարբեր երկրներից, այդ թվում՝ Թուրքիայից, Իսրայելից և Պակիստանից։
