Մասկը Բրիտանիայում քաղաքացիական պատերազմ է կանխատեսել
Ամերիկացի ձեռնարկատեր Իլոն Մասկը, Մեծ Բրիտանիայում զանգվածային անկարգությունների ֆոնին, սոցիալական ցանցում կանխատեսել է երկրում քաղաքացիական պատերազմ։
Ծայրահեղ աջերի բողոքի ցույցերը Բրիտանիայում սկսել են թափ հավաքել՝ դանակահարության հետևանքով երեք երեխաների մահվանից հետո: The Times-ը հայտնել է, որ հանգստյան օրերին սպասվում է առնվազն 35 բողոքի ակցիա:
«Քաղաքացիական պատերազմն անխուսափելի է»,- գրել է Մասկը՝ մեկնաբանելով բրիտանական քաղաքներում բողոքի ցույցերի տեսանյութերից մեկը։
