Կգա ժամանակը կխոսեմ, թե ինչպես են Տոնոյանը և մյուս բարձրաստիճան պաշտոնյաները դեռ 2019թ. Փաշինյանին զգուշացրել սպասվող պատերազմի, դրանում Թուրքիայի ներգրավվածության մասին. Սուրենյանց
Սուրեն Սուրենյանցը տելեգրամյան իր ալիքում գրում է. «ՍԴ-ն մերժել է Դավիթ Տոնոյանի գործով Վերաքննիչ դատարանի դիմումի հիման վրա գործի քննությունը, այլ խոսքով՝ Փաշինյանի «գրպանի» ՍԴ-ն «օրինականացրել» է գեներալի չհիմնավորված կալանքը:
Դավիթ Տոնոյանը քաղկալանավոր է:
Նա անազատության մեջ է Փաշինյանի քինախնդրության և պատերազմի պարտության պատասխանատվությունը զինվորականների վրա բարդելու մոլագար մտադրության հետևանքով:
Կգա ժամանակը մանրամասն կխոսեմ այն մասին, թե ինչպես են Տոնոյանը և մյուս բարձրաստիճան պաշտոնյաները դեռ 2019-ին Փաշինյանին զգուշացրել սպասվող պատերազմի, դրանում Թուրքիայի ներգրավվածության մասին:
Փաշինյանը ոչինչ չի ձեռնարկել, իր արկածախնդիր քաղաքականությամբ մոտեցրել է պատերազմը…՞։
