Nordic Monitor. Թուրքիան հույս ունի ստանալ Հայաստանի աջակցությունը ԵԱՀԿ գլխավոր քարտուղարի իր թեկնածուի հարցում
Թուրքիան և Հունաստանը որոշել են համագործակցել ԵԱՀԿ-ում կարևորագույն ղեկավար պաշտոններ ստանալու հարցում։ Թուրքիան ձգտում է իր համար ապահովել գլխավոր քարտուղարի պաշտոնը, մինչդեռ Հունաստանը ցանականում է իր թեկնածուին նշանակել ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) տնօրեն։ Այս մասին գրում է Nordic Research Monitoring Network-ը։
ԵԱՀԿ գլխավոր քարտուղարի պաշտոնում Թուրքիայի թեկնածուն Ֆերիդուն Սինիրլիօղլուն է։ ՄԱԿ-ում որպես Թուրքիայի մշտական ներկայացուցիչ պաշտոնավարման ընթացքում նա Հունաստանին մեղադրել է Էգեյան ծովում կղզիների ապառազմականացման խախտման մեջ, ինչպես պահանջվում է Լոզանի և Փարիզի խաղաղության պայմանագրերով, և բողոք է ներկայացրել Հունաստանի դեմ ՄԱԿ-ում։
Թուրքիայի նախագահի դաշնակից Ֆերիդուն Սինիրլիօղլուն, որը վիճահարույց անցյալով կապված է Իրաքի և Սիրիայի Իսլամական պետության (ԻՊ) հետ, 2023 թվականի ապրիլի 25-ին նշանակվել է Աֆղանստանում ՄԱԿ-ի հատուկ համակարգող։
Սինիրլիօղլուի նշանակումը լուրջ մտահոգություններ է առաջացրել ԴԱԻՇ-ի հետ գաղտնի բանակցություններում նրա ենթադրյալ մասնակցության և ԴԱԻՇ-ի կողմից վերահսկվող նավթից ֆինանսական շահ ստանալու այլ գաղտնի գործունեության պատճառով:
Անկարան պատրաստակամություն է հայտնել աջակցել Հունաստանի արտաքին գործերի նախարարության իրավախորհրդատու և իրավական բաժնի ղեկավար Մարիա Թելալյանի թեկնածությունը ԺՀՄԻԳ-ի տնօրենի պաշտոնում՝ Աթենքի կողմից Սինիրլիօղլուի թեկնածությանն աջակցելու դիմաց։
ԵԱՀԿ գլխավոր քարտուղարի ընտրությունը առաջադրում է ենթադրում ցանկացած մասնակից պետության կողմից, իսկ վերջնական որոշումը կախված է բոլոր 57 անդամ երկրների միջև կոնսենսուսից:
Սպասվում է, որ թուրք թեկնածուն աջակցություն կստանա Ռուսաստանից։ Այդ դեպքում Թուրքիային անհրաժեշտ կլինի ստանալ նաև ԱՄՆ-ի և ԵՄ-ի աջակցությունը։ Ավելին, Հունաստանի հետ համագործակցության շնորհիվ, ենթադրվում է, որ Կիպրոսը վետո չի կիրառի, չնայած կիպրոսցի հույների դժգոհության մասին տեղեկությունների:
Բացի այդ, Անկարան հույս ունի, որ Հայաստանը կպաշտպանի Սինիրլիօղլուի թեկնածությունը։
