Թուրքիան 2026թ. կհյուրընկալի ՆԱՏՕ-ի անդամ երկրների ղեկավարների գագաթնաժողովը
Հյուսիսատլանտյան դաշինքի (ՆԱՏՕ) անդամ պետությունների և կառավարության ղեկավարների գագաթնաժողովը 2026-ին կհյուրընկալվի Թուրքիայում:
Այս մասին, ըստ ermenihaber.am-ի՝ հայտնի է դարձել 2024-ին Վաշինգտոնում անցկացված գագաթնաժողովի ամփոփիչ հայտարարությունից:
Նշենք, որ 2025-ի հունիսին էլ այն կանցկացվի Նիդերլանդների Հաագա քաղաքում:
Հիշեցնենք, որ առաջին և վերջին անգամ ՆԱՏՕ-ի անդամ երկրների ղեկավարների գագաթնաժողովը Թուրքիայում էր անցկացվել 2004-ին՝ Ստամբուլ քաղաքում:
