Սպիտակ շոկոլադով կաթնաշոռային տորթ
Բաղադրիչները`
- 500 գ կաթնաշոռ
- 1 բաժակ բալի մրգահյութ
- 200 գ թխվածքաբլիթ
- 100 գ սպիտակ շոկոլադ
- 100 գ կարագ
- 50 գ կտրտած նուշ
- 1 բաժակ շաքարավազ
- 250 գ թթվասեր
- 1թ.գ. վանիլային շաքարավազ
- 4 հատ ձու
- 2 թ.գ. ժելատին
Պատրաստման եղանակը
Թխվածքաբլիթը փշուրների վերածեք, խառնեք փափկեցրած կարագի ու նուշի հետ:
Տապակի վրա կալկա տեղադրեք, կալկայի վրա հավասար շետով քսեք ստացված խառնուրդը:
Շոկոլադը մասնատեք, գոլորշու վրա հալեցրեք, խառնեք տրորած կաթնաշոռի, շաքարավազի, թթվասերի, վանիլային շաքարավազի ու ձվերի հետ:
Խառնուրդը լցրեք թխվածքաբլիթային հիմքի վրա, տորթը 1 ժամով տեղադրեք 175 աստիճան ցելսիուս տաքության ջեռոցում: Հետո ջեռոցի դուռը բացեք, տորթն առանց տապակից հանելու թողեք 1 ժամ հովանա:
Ժելատինը բացեք վեցապատիկ եռացրած-սառեցրած ջրով, թողեք փքվի, ավելորդ հեղուկը թափեք, ժելատինը բացեք գոլորշու վրա: Պատրաստի ժելատինը խառնեք բալի մրգահյութի հետ, ապա լցրեք հովացած տորթի վրա և 5-12 ժամով տեղադրեք սառնարանում:
Մատուցելուց առաջ տորթը զգուշությամբ հանեք տապակի միջից, կալկան հեռացրեք, տորթը տեղադրեք սկուտեղի վրա ու կտրտեք:
