«Հուսով եմ, որ «Ռեալը» թույլ կտա Կիլիանին մասնակցել Օլիմպիական խաղերին». Մակրոն
Էմանուել Մակրոնն ակնկալում է, որ մադրիդյան ակումբը Ֆրանսիայի հավաքականի 25-ամյա հարձակվողին թույլ կտա խաղալ Փարիզի օլիմպիական մրցաշարում։
«Հուսով եմ, որ «Ռեալը» թույլ կտա Կիլիանին գնալ Օլիմպիական խաղեր, որպեսզի նա գա և խաղա Ֆրանսիայի հավաքականի կազմում»,- այսօր պատասխանելով համացանցի օգտատերերի հարցերին` ասել է Մակրոնը։
Մբապեն ավելի վաղ հայտարարել էր ՊՍԺ-ից հեռանալու մասին՝ չնշելով նոր թիմի անունը։
«Ես հատուկ մեկնաբանություններ չունեմ Մբապեի հայտարարության վերաբերյալ»,- ասել է Ֆրանսիայի նախագահը։
