Իսրայելը չեղարկել է Իրանի վրա հարձակվելու իր ծրագիրը Բայդենի հետ զրույցից հետո. NYT
Իսրայելը որոշել էր հարձակվել Իրանի վրա կիրակի վաղ առավոտյան, սակայն ծրագիրը չեղյալ է համարվել վարչապետ Բենիամին Նաթանյահուի և ԱՄՆ նախագահ Ջո Բայդենի հեռախոսազրույցից հետո, հայտնում է The New York Times-ը՝ վկայակոչելով ամերիկացի պաշտոնյաներին:
Ամերիկյան պարբերականի տեղեկատվության համաձայն, Բայդենի վարչակազմը Իսրայելին խորհուրդ է տվել զգույշ լինել և խուսափել Մերձավոր Արևելքում հետագա էսկալացիայից՝ Իրանի օդային հարվածներից հաջողությամբ պաշտպանվելուց հետո։
ԱՄՆ պաշտոնյաները Իսրայելի կողմից ավելի քան 300 անօդաչու և հրթիռ որսալը գնահատել են որպես կարևոր ռազմավարական հաղթանակ, որը կարող է հետագա պատասխան միջոցներ չպահանջել, նշում է լրատվամիջոցը:
