Իսրայելն ԱՄՆ-ի օգնությամբ խոցել է Իրանի արձակած գրեթե բոլոր հրթիռներն ու անօդաչու թռչող սարքերը. Բայդեն
Իսրայելը ցույց տվեց պաշտպանվելու և նույնիսկ աննախադեպ հարձակումները հետ մղելու զարմանալի ունակություն՝ հստակ ազդանշան ուղարկելով իր թշնամիներին, որ նրանք չեն կարող սպառնալ Իսրայելի անվտանգությանը: Այս մասին հայտարարել է ԱՄՆ նախագահ Ջո Բայդենը:
«Վաղը ես կհրավիրեմ G7-ի իմ գործընկեր առաջնորդներին՝ համակարգելու Իրանի հարձակմանը միասնական դիվանագիտական պատասխանը»,- ասել է Բայդենը:
ԱՄՆ նախագահի խոսքով՝ Իսրայելն ԱՄՆ-ի օգնությամբ խոցել է Իրանի արձակած գրեթե բոլոր հրթիռներն ու անօդաչու թռչող սարքերը։
