Ըստ Փաշինյանի՝ չկա մի թվականի քարտեզ, որը Հայաստանը կպատկերի ամբողջ սահմանագծով
Քարտեզների թեման շատ բարդ է, քանի որ մի թվականի քարտեզ գոյություն չունի, որ կպատկերի ՀՀ սահմանագծի ամբողջ երկայնքը։ ՀՀ Ազգային ժողովում կառավարության հետ հարցուպատասխանի ժամանակ հայտարարեց Նիկոլ Փաշինյանը` պատասխանելով «Հայաստան» խմբակցության պատգամավոր Քրիստինե Վարդանյանի՝ սահմանազատմանը վերաբերող հարցին։
«Կա քարտեզի երկայնք, որով ՀՀ-ն և Ադրբեջանը սահմանների տարբեր կտորները համաձայնեցրել են տարբեր թվականներին։ Չկա մի թավականի քարտեզ, որն ամբողջական կպատկերի ՀՀ սահմանագծի ամբողջ երկայնքը դե յուրե նշանակություն ունեցող»,- նշեց Փաշինյանը։
Ըստ նրա` Ալմա Աթայի հռչակագիրը Խորհրդային Միության իրավական նշանակություն ունեցող ամենավերջին «քարտեզն» է։
«Ճշտենք` ի՞նչ է նշանակում քարտեզ։ Դա մի թուղթ է, որը դահլիճում ներկա գտնվողների առնվազն մի մասն առանց լրացուցիչ մասնագիտական օգնության չի կարող հասկանալ` ինչ է այնտեղ պատկերված։ Օրինակ` 1975 թվականին կարող է 300 տարբեր քարտեզ գոյություն ունենալ։ Մեր չհասկացվածությունը դրանից է գալիս»,– ասաց նա։
Նա հիշեցրեց, որ ՀՀ այն քարտեզը, որը նա պարբերաբար ցույց է տալիս մանրակերտի վրա, դա շատ մոտավոր, ուրվագիծը պատկերող քարտեզ է։
