Լեհաստանի Շչեցին քաղաքում մեքենան մխրճվել է ամբոխի մեջ, ինչի հետևանքով 12 մարդ վիրավորվել է
Լեհաստանի Շչեցին քաղաքի կենտրոնում մարդատար մեքենան մխրճվել է մարդկանց ամբոխի մեջ, 12 մարդ ծանր վիրավորվել է, վարորդը դիմել է փախուստի։ Այդ մասին տեղեկացնում է «ՌԻԱ Նովոստի»-ն։
«Շչեցինի Ռոդլո հրապարակում մեքենան մխրճվել է ամբոխի մեջ, 12 մարդ ծանր վիրավորվել է»,- նշված է հաղորդագրության մեջ:
Վերջին տվյալներով՝ դեպքից հետո վարորդը կանգ չի առել, ավտոմեքենայով անհետացել է և այժմ որոնվում է։
