ԱՄՆ-ն բարձր է գնահատում Հայաստանի հանձնառությունը արժանապատիվ ու կայուն խաղաղությանը. Բլինքենը՝ Փաշինյանին
Ամերիկայի Միացյալ Նահանգները բարձր է գնահատում Հայաստանի հանձնառությունը արժանապատիվ ու կայուն խաղաղությանը:
Այս մասին ասել է ԱՄՆ պետքարտուղար Էնթոնի Բլինքենը Մյունխենի անվտանգութան համաժողովի շրջանակում Նիկոլ Փաշինյանի հետ հանդիպմանը:
«Հայաստանը շատ բարձր գնահատված գործընկեր է Միացյալ Նահանգներում և մենք բարձր ենք գնահատում նրա հանձնառությունը արժանապատիվ և կայուն խաղաղությանը»,-ասել է Բլինքենը:
Նա հավելել է, որ բացի դա քննարկելուց ու դրա ուղղությամբ աշխատելուց, աշխատում են նաև ամրապնդելու երկու երկրների միջև հարաբերությունները տարբեր ոլորտներում, և մտադիր է վարչապետ Նիկոլ Փաշինյանի հետ քննարկել այդ ամենը:
