Մոսկվայում խոշոր հրդեհ է բռնկվել Երգիծանքի ակադեմիական թատրոնում. տարհանվել է 50 մարդ
Մոսկվայում խոշոր հրդեհ է բռնկվել Երգիծանքի ակադեմիական թատրոնում. հրդեհի տարածքը հասել է 350 քմ-ի, ՏԱՍՍ-ին հայտնել են օպերատիվ ծառայություններից։
Թատրոնի շենքից տարհանվել է 50 մարդ, հայտնում է ՌԴ ԱԻՆ թելեգրամյան ալիքը։
Հրդեհի պատճառը, ըստ օպերատիվ ծառայությունների, եղել է վերանորոգման աշխատանքների ընթացքում անվտանգության կանոնների խախտումը։ Հրդեհը թատրոնում սկսվել է Մոսկվայի ժամանակով 11։00-ի սահմաններում՝ առաջին ներկայացման մեկնարկից մեկ ժամ առաջ։
