Կանաչ ոլոռի հետ շոգեխաշած խոզի միս
Բաղադրիչները՝
- խոզի միս- 600 գ
- կանաչ ոլոռ- 600 գ
- սոխ- 1 գլուխ
- նեխուր- 2 ճյուղ
- բուսական յուղ- 2 ճ.գ.
- սխտոր- 6 պճեղ
- տոմատի մածուկ- 100 մլ
- ջուր- 400 մլ
- սամիթ, մաղադանոս՝ ըստ ճաշակի
- աղ, աղացած սև պղպեղ՝ ըստ ճաշակի
- դափնու տերև- 2 հատ
Պատրաստման եղանակը
Նեխուրը լվացեք, չորացրեք, շատ մանր կտրատեք: Սխտորը մանր կտրատեք: Նեխուրը բուսական յուղի մեջ 3 րոպե տապակեք, ավելացրեք սխտորը:
Խոզի միսը լվացեք, ոչ մեծ կտորներով կտրատեք: Լցրեք նեխուրով թավայի մեջ: Պատրաստեք մինչև միսը ամբողջությամբ բաց գույն ստանա (առանց վարդագույն երանգի):
Ավելացրեք տոմատի մածուկը, ոլոռը, ջուրը, դափնու տերևը, աղ ու պղպեղ արեք: Կափարիչը փակեք, 30-40 րոպե շոգեխաշեք:
Մատուցելուց առաջ կտրատեք մաղադանոսն ու սամիթը: Ուտեստը լցրեք ափսեների մեջ, վրան կանաչի լցրեք ու մատուցեք:
