Պաղեստինի վարչապետն ասել է, որ Իսրայելը Գազայում կստեղծի իր սեփական վարչակազմը
Պաղեստինի վարչապետ Մուհամեդ Շտայեն կարծում է, որ Իսրայելը պատրաստվում է Գազայում ստեղծել իր քաղաքացիական վարչակազմը, որը կգործի Իսրայելի պաշտպանության ուժերի ներքո։
«Չեմ կարծում, որ Իսրայելը պատրաստվում է շուտով հեռանալ Գազայից: Կարծում եմ, որ Իսրայելը պատրաստվում է ստեղծել իր քաղաքացիական վարչակազմը, որը կգործի իսրայելական բանակի ներքո», – ասել է Շտայեն:
Պաղեստինա-իսրայելական հակամարտությունը, որը կապված է կողմերի տարածքային նկրտումների հետ, երկար տասնամյակներ լարվածության և արյունալի բախումների աղբյուր է եղել մերձավորարևելյան տարածաշրջանում։ 1947 թվականին ԽՍՀՄ-ի ակտիվ դերակատարմամբ և ՄԱԿ-ի որոշմամբ հաստատվեց երկու պետությունների՝ Իսրայելի և Պաղեստինի ստեղծումը, սակայն արդյունքում ստեղծվեց միայն իսրայելականը։
