Մենք ցնցված ենք Իրանում պայթյունների մասին լուրից. ՀՀ ԱԳՆ
Մենք ցնցված ենք՝ իմանալով Իրանի Քերման քաղաքում տեղի ունեցած պայթյունների մասին, որոնց զոհ են դարձել ավելի քան 100 անմեղ բնակիչներ։ Այս մասին ասվում է Հայաստանի ԱԳՆ X-ի միկրոբլոգում հրապարակված հաղորդագրության մեջ։
«Մեր մտքերն ու աղոթքները տուժածների և նրանց ընտանիքների հետ են»,- ասված է ՀՀ ԱԳՆ հայտարարության մեջ։
Հիշեցնենք, որ այսօր՝ հունվարի 3-ին, Իրանի Քերման քաղաքում գեներալ Քասեմ Սուլեյմանիի գերեզմանի մոտ՝ նրա մահվան 4-րդ տարելիցի օրը, երկու պայթյուն է որոտացել, որոնց հետևանքով զոհվել է 103 մարդ։
Իրանի իշխանությունները հայտարարել են, որ դա ահաբեկչություն է եղել։
