Ռուսական հրթիռային հարվածների հետևանքով Կիևում 7 քաղաքացի է զոհվել
Ռուսական հրթիռային հարվածների հետևանքով Ուկրաինայի մայրաքաղաք Կիևում արդեն 7 զոհ կա։ «Տելեգրամ» ալիքի իր էջում այս մասին գրել է Կիևի քաղաքապետ Վիտալի Կլիչկոն։
«Եվս երեք զոհվածների մարմինները վերջին մի քանի ժամվա ընթացքում դուրս են բերվել Շևչենկովսկի շրջանի պահեստային տարածքի փլատակների տակից։ Մայրաքաղաքի վրա առավոտյան հարձակման հետևանքով զոհերի թիվը հասել է յոթի», – գրել է քաղաքապետը:
